Police-in methamphetamine man

Mizoram Police-a CID (Special Branch) leh Special Narcotic Police Station chuan Nilaini zan zanlai pelh, dar 12:30 vel khan Zemabawk Ṭawngṭai Mualah methamphetamine kg. 29.289 an man a, tualchhunga hralhna ang chuan cheng nuai 380.757 man a ni.

CID (SB) leh Special Narcotic PS mite hian meth hi Scorpio MZ-01 AB-5750-a chuang Tlangthanmawia (30) s/o Lalrampana, Tahan E-Group, Myanmar nia inchhal hnen aṭangin an man a; NDPS Act leh Foreigners Act tlawhchhanin thubuai an ziak lut a ni.