Translation Book Award hlân

Mizo Writers Association chuan nimin khan Aizawl Press CLub-ah kum 2014 chhunga lehkhabu lehlin ṭha ber, Translation Book Award hlanna inkhawm an hmang a, minister Lalrinmawia Ralte-in a hmanpui.

Translation Book Award dawngtu chu 'Pathian Thla­muanna' tih niin, a letlingtu chu Zothanmawia Khiangte, Mission Vengthlang a ni a; he lehkhabu hi Billy Graham-a ziah 'Peace with God' tih lehkhabu lehlin a ni.

Lalrinmawia Ralte chuan, hnam dang ṭawng lehkhabu ṭha tak tak Mizo mipuite chhiar theih tura Mizo ṭawnga letling ṭhintute chu chhuanawm a tih thu a sawi a, "Lehkhabu letling tur hian hnam dang ṭawng hriatthiam ringawt a tawk lo a, Mizo ṭawng mawi leh nalh, dik leh fiah taka dah thiam a ngai a ni," a ti.