MPCY-in DMR Minister an dem

MPC party ṭhalaite chuan thuchhuah siamin, May 23, 2015-a thlipui tlehin Phainuam khuaa chenna in 19 a tihchhiat chu Disaster Management & Rehabilitation minister C Ngunlianchunga'n a ngaihsak lo niin an tarlang a, "Mangang thlabára awmte vawiin thlenga a la tlawh lo thei hi kan dem tak zet a ni," an ti.

MPCY chuan, DMR minister C Ngunlianchunga chu Phainuam leh Bualpuia thlipui vanga chhiat tâwkte buaipui duh lo a, a bial lam ringawt buaipuiah an puh a; Mizoram chhim lam, a bikin a bial, Lawngtlai West biala chhiat/ṭhat tâwkte buaipuia a hmanhlel ang bawka Mizoram hmar lama khua leh tuite manganna chu buaipui ve se an duh thu an sawi a ni.