Lungleiah IVFRT chungchang zirho

Nimin khan Lunglei Circuit House-ah Immi­gration, Visa and Foreign Registration & Tracking (IVFRT) chungchang zirhona buatsaih a ni a, Home department addi­tional secretary Lal­biak­zama'n a kaihruai. IVFRT hi tun hnai khan Mizoramah kalpui ṭan a ni.

Lalbiakzama chuan, IVFRT chu sorkar lai­puia Ministry of Home Affairs hnuaia Bureau of Investigation ruahmanna thar a nih thu sawiin, "Lungleiah ram dang mi an thlenin, C-Form hmanga register vek tur an nih bakah, online-a registration tih vek tur a ni tawh dawn a, hei hian an chêt vel leh veivâk pawh awlsam taka chhui theih turin a pui dawn a ni," a ti.

Home Additional Secretary sawi danin, IVFRT kengkawh turin Foreigners’ Regional Re­gistration Office (FRRO) leh Foreigners’ Re­gistration Office (FRO) din a ni dawn a; chungte chuan ram dang mite thlenna hotel leh thil dangte an endik ṭhin ang. Zirna-ina ram dang mi awmte pawh sorkarah an inziak lut vek tur a ni.

IVFRT Project zir­honaah hian chawhma lamah Lunglei khawpuia hotel, toruist lodge, rest house, guest house leh maxi-cab counter neitute sáwm an ni a, mi 13 an kal. Chawhnu lamah Lungleia zirna-in hrang hrang hotute koh khawm leh an ni bawk.