Vaihlo dona pual inkhawm

Kolasib District Anti Tobacco Squad chuan nimin khan World No Tobacco Day lo thleng tur pualin nimin khan Kolasib High School-ah inkhawm an buatsaih a; Kolasib ATS working chairman Dr RK Lalthlamuana'n a kaihruai.

Inkhawmah hian Kolasib ATS member secretary Dr Lalhlimpuia'n thupui 'Dan loa vaihlo leh a kaihhnawih hmanga sumdawnna tihtawp' chungchang a sawi a; April-May 2015 chhungin Kolasib ATS-in squad drive ṭum thum an neihah phal lohna hmuna mei zû mi pathum an man thu leh health warning awm lo ram dang cigarette cartoon thum an man thu a sawi.