Covid-19: Mizoram : Hripui kai tawh zat mi 1,333

September 9, Nilaini khan Mizoramah Covid-19 vei mi 141 hmuh chhuah a ni a, ni khata hmuh chhuah tam ber ní a ni. Nimin khan Vairengteah mi pathum hmuh belh leh a ni. Niminah hripui vei dam tawh chhuahtir an awm lo a; Mizorama hripui vei hmuh tawh zat chu mi 1,333 (+3) an ni.

Mizorama Covid-19 vei hmuh chhuah tawh mi 1,333-te chu mipa 1,108 (+3) leh hmeichhia 225 an ni a; mi 750 (56.26%) chhuak tawhin, la chhuak lo mi 583 (43.74%) an awm. La chhuak lo zingah negative tawh an awm nual bawk.

Nimin zing dar 5 leh tlai dar 5 inkarah Vairengte checkgate-ah mi 200-te swab sample endik a ni a, Covid-19 vei mi pathum, hnam dang vek hmuh chhuah a ni. Vairengte-ah hian sample 14,433 (hnam dang 13,791 leh Mizo 642) endik a ni tawh a, hripui vei mi 127 hmuh chhuah tawh niin, Mizo pahnih an tel.