Aizawla hrui zamte hlîp vek dawn

Aizawl Smart City Ltd hotute nimina CEO pisaa ṭhukhawm chuan Zarkawt leh Kulikawn inkara ban hluia hrui thlun zawng zawngte hlih an rel a; December 2, 2024 zan aṭangin hlih a ni dawn.

Smart City, Power & Electricity department leh Aizawla multi utility pole (MUP) ban hmangtute October 4, 2024 an ṭhukhawm a; Aizawla hrui zam hnawk lutuk chinfel nan Kulikawn leh Bawngkawn inkarah MUP ban phunte hman dan tur leh hrui sawn dan tur an hrilhfiah bakah, insingsa turin an hrilh.

Hrui thlun leh zamte zinga a tête chu October 24, 2024 hmain MUP bana sawn ni se, hrui liante chu November 30, 2024 hmain sawn ni se, tiin an rel a ni.