IMA-in inkhawmpui hmang

Indian Medical Association (IMA), Mizoram Branch chuan nimin khan Aijal Club-ah Annual Conference vawi 47-na an hmang a, Health & Family Welfare minister Lalrinpuii'n a hmanpui.

Health Minister chuan, doctor mamawhna khawvel ram tinah a sàn thu a sawi a, "Doctor-te hi sorkar pawhin a duhsak hle a, rawngbawlna rilru in pu hi a ropui ka ti tak zet," a ti.

Lalrinpuii chuan, IMA member-te chu ruihhlo leh mipat hmeichhiat hman khawlohna leh chumi avanga natna inkai chhawn theihte donaah sorkar thâ tichak turin a sáwm a; hlâwk thei ang bera inkhawmpui hmang turin duhsakna a hlan bawk.

IMA inkhawmpui hi an president Dr Rosangluaia'n a kaihruai a, general secretary Dr Chawnglungmuana'n IMA chungchang leh hmalaknate a tarlang. An member thite sûnna hun hman a ni a, IMA thuthlung an sawi rual bawk a ni.