MAL-in diamond jubilee an lawm

Mizo Academy of Letters (MAL) chuan nimin khan Synod Conference Centre-ah diamond jubilee an lawm a, Art & Culture minister C Lalsawivunga'n a hmanpui.

Art & Culture Minister chuan, MAL chu Mizo thu leh hla tihhmasawnna kawnga thawh hlâwk tak a nih thu a sawi a, "Mizo ṭawng leh literature tana kan missionary-te lo thawh hlâwkziate a tharin min hriat chhuahtir a ni," a ti a; Mizo thu leh hla tihhmasawnna kawnga MAL hmalakna chu Art & Culture Minister a nihna ang pawhin a thlâwp tlat dawn thu a sawi.

Minister hian MAL diamond jubilee pual lehkhabu leh lehkhabu dang mi pali ziah a tlangzarh a; jubilee puala poem, article, short essay leh short story inziahsiak lawmman a sem bawk.

Jubilee lawmna chawhma inkhawm hi MAL president Prof. RL Thanmawia'n a kaihruai a, MAL member thi mi paruk sûnna leh hruaitu hlui chawimawina hun hman a ni. Chawhnu inkhawm chu MAL vice president Prof. Rualkhuma Colney-in a kaihruai a, ziak mi pasarih leh ṭhangthar ziak mi pakuate kawmna hun hman a ni.