Children’s Day Festival hmang

Nimin khan Keifang Centenary Sport Complex-ah Children’s Day Festival hman a ni a, nilengin naupang infiamna leh intihhlimna chi hrang hrang buatsaih niin, bialtu MLA Prof. Lalnilawma, minister of state-in a hmanpui.

Prof. Lalnilawma chuan, November 14-a Children’s Day leh November 19-a World Day for the Prevention of Child Abuse-te chu remchan zawkna avangin hman kawp a nih thu sawiin, "He hun kan hman chhan - naupangte dikna chanvo humhalh te, zirna kawnga hma an sawnna tur ngaihtuah te, naupang chunga hleilenna tihtawp tura hmalak te, naupang chanhaite'n nu leh pa an neih theih nana hmalak ṭulnate kan hriat thar a pawimawh," a ti. Naupangte chu ruihhlo laka fihlim tlat tur a fuih bawk.

District Child Protection Unit, Nasa Mukt Bharat Abhiyaan (DC Office), District Hub for Empowement of Women (WCD), District Education Office te ṭangho buatsaih Children’s Day Festival hmannaah hian World Day for the Prevention of Child Abuse & Adoption Month puala tlangau intihsiakna buatsaih a ni a, lawmman siam a ni.