Property Tax 10%-a tihhniam remti

Aizawl Municipal Council (AMC) Board of Councillor-te May 29, 2015-a chairman CT Zakhuma kaihhruaia ṭhukhawm chuan, AMC Property Tax lâk tur chu kumin chhung bik atan 10%-a tihhniam an remti.

AMC Board of Councillors ṭhu­khawm chuan, sorkar kum kal meka Property Tax pek theih hun chu June 16, 2015-ah hawn a, March 31, 2015 thleng hawn turin an rel a; chhiah chu bat ṭhen phal loh ni se an ti. Property Tax Rules-in a phût angin, Municipal Valuation Committee din ni se, an ti a; chairman-ah AMC Chief Executive Officer an ruat nghal a ni.

AMC hotute ṭhukhawm chuan, Revised City Development Plan for Aizawl City Vision 2041 pawh an pawm a, he ruahmanna hnuaiah hian hmasawnna hna thawh nan cheng vbc. 8,183 ruahman a ni. Parking Regulations-a siam ṭhat ngai eng emaw zat an siam ṭha bawk.