Chhimtuipuiah naupang 2 tla hlum

May 30 chhun khan Lawngtlai district-a Sihtlangpui khaw naupang pathum chu Chhimtuipui luiah an tla a, an zinga pahnih an thi a, pakhat chu chhanchhuah a ni.

Thu dawn danin, naupang kum 12 vel pathumte hi chengkawl khawrh turin Chhimtuipuiah an kal a, lui dài kai an tum laiin tuiin a la ta a ni. Elvis-a s/o Chhimthangvela chu chhanchhuah hman a ni a; Elvis-a unaunu, Khawpuimawii leh Ramthianghlima d/o Lalngeni te erawh chu chhan hman lohin an tla hlum a ni. Naupang pahnih tla hlumte hi Inrinni vêk khan an ruang hmuh a ni.