Mi 7-in anticipatory bail an dil

Lai Autonomous District Council (LADC) hnuaia middle school zirtirtu leh thawktu dang lak dana thil dik lo awm chungchang Anti Corruption Bureau (ACB)-in a chhuinaa mawhphurtua a puhte chuan, Aizawl district-a Prevention of Corruption Act Court-ah anticipatory bail an dil a, Court chuan interim bail a pe.

Thu dawn danin, Court-in thubuai a siamsak hnua anticipatory bail diltute chu - LADC chief executive member V Zirsanga, Education officer H Lalruatkima, LADC Art & Culture department-a thawk B Vanlalngheta, Lawngtlai DEO Lalduna Chinzah, Lawngtlai DEO office-a cashier Ramengzauva, Lawngtlai Middle School Teachers' Association president NC Muankima leh Lawngtlai Middle School Teachers' Asso-ciation secretary C Lal-chawiliana-te an ni.

LADC-a middle school zirtirtu leh thawktu dang lak danah thil dik lo a awm nia hriat vangin M Lalrammawia, Lawngtlai chuan October 2013 khan ACB-ah FIR a thehlut a; ACB chuan September 2014 khan preliminary enquiry a tiṭan a ni.