Lunglei-ah bomb a puak

Nimin zing dar 1:15 vel khan Lungleia District Education Office (DEO) gate bulah bomb a puak a, he thuziah lai thleng hian a titu man an la ni lo a, police-in an chhui mek.

Lunglei police hnen aṭanga thu dawn danin, bomb hi gelatine, pahnih ṭâwn belhbawm a nih rin a ni a; bomb hian darthlalang eng emaw zat leh bang ṭhenkhat a tichhia. Lunglei DEO chuan Lunglei Police Station-ah FIR a thehlut a, Lunglei police-te chuan thil thlenna hmun hi nimin zing khan an enfiah a ni.

Bomb puak chung­chang chhui tur hian Lunglei additional SP J Lalmuankima kaihhruaina hnuaiah Special Inves-tigation Team din nghal a ni a, nimin khan hmalak dan tur ngaihtuahin an ṭhukhawm nghal a ni.