Vaihlo do tha chawimawina dawng

Indian Society on Tobacco & Health (ISTH) Mizoram Chapter leh Mizoram State Tobacco Control Society (MSTCS)-te chuan May 29,2015 khan New Delhi-ah World Health Organisation (WHO) aṭangin zûk leh hmuam do kawnga thawh ṭhat chawimawina an dawng.

WHO-in kum tina a buatsaih ṭhin, vaihlo dona kawng hrang hranga hna thawk ṭha, mimal leh pawl hnena lawmman a siam ṭhin, ‘Regional Director Appreciation Award’ hi ISTH Mizoram Chapter leh MSTCS inkawpte hnenah a hlan a; chawimawina hi ISTH(M) president Lal Riliani leh MSTCS nodal officer Dr Jane R Ralte ten an dawng a ni.