Siaha DC-in MJA-te a sáwm

Siaha DC Kesavan R chuan nimin khan a pisaah Siaha district MJA member-te a kâwm a; sorkar khalh ngiltu, finchhuahtu ni turin a sáwm.

Kesavan chuan, thuthar thehdarhtute chu sorkar leh mipui inkara palai hna thawktu pawimawh an nih thu sawiin, "Inthlahrung loa thuràwn min pe a, min finchhuah ṭhin turin ka beisei reng dawn che u a ni," a ti.

Siaha MJA member-te pawhin, an district leh mipui hmasawnna tura a hmalakna reng rengah an ṭawiawm tlat tur thu leh a hnung an dâwl zel tur thu an hrilh.

Siaha DC leh MJA-te hian Covid-19 laka Siaha district himna tur te, internet signal chhia chungchang, office hour chungchang leh tlawmngai pawl, MADC sorkar leh district administration thawhhona ṭha zawk neih a ṭul thute an sawiho a ni.