Excise-in Chuauṭhuama thuziah an sawifiah

Excise & Narcotics department-a public rela­tions officer chuan thu­chhuah siamin, Vanglaini May 30, 2015-a chhuaka Revd Chuauthuama thu­ziahah, "…Good Friday zawh chiah Inrinni (4.4.2015), harhna thlen ni champhaphâkah phei kha chuan Excise-in tualchung zu (local liquor) an man, office-a an dahṭhat chu New Mar­ket-ah an zawrhtir a, an hralh zo vek an ti,” tih chu thu dik lo niin a tarlang.

END thuchhuahin a tarlan danin, tuna Mizoram Liquor (Prohi­bi­tion & Control) Act, 2014 hman mekah hian tualchhung zu zawrh theihna permit tumah pek an la ni lo a. Amaherawhchu MLPC Act 2014 hnuaia Court leh Superintendent of Excise & Narcotics, Kolasib-in dan anga a confiscate hnu, India siam sapzu (IMFL) ûm puitling (750 ml.) 2000 chu depart­ment chuan Rule 75 (1) of MLPC Rules, 2014 hnuaia order felfai taka siamin MAMCO Liquor Retail Shop, New Mar­ket-a dan pangngai anga zawrh tura tihfel a ni zawk. MLPC Act 2014 hnuaia department-in tual­chhung zu (local-made liquor) a mante hi wine shop-ah zawrh turin a pe ngai lo tih hi mipui hriat atan Mizoram Excise & Narcotics Department chuan a tarlang a ni.