Corporator-te'n fund la dawng tlem

Aizawl Municipal Corpo­ration (AMC)-a corporator-te chuan sorkar kum kal mek 2024-25 chawhnu lam ni tawh mah se, ward fund cheng nuai 10 chauh an la dawng.

AMC hian corporator-te fund atan hian budget-ah mi pakhat zel atan cheng nuai 40 an pawm a ni. Cheng nuai 40 aṭang hian cheng nuai 15 chu property tax return aṭanga hmuh tur a ni a, nuai 25 chu ward fund pangngai tura tih a ni thung.

AMC chuan corporator-te hnenah hian June 20, 2024 khan cheng nuai 10 a pe a, tun thlengin a pe chhuak leh tawh rih lo. Thla riat chhunga corpo­rator-te sum hmuh tawh hi an hmuh tur aṭangin 25% chiah a la ni a; tun term chhunga budget-a an pass zat ang fund an la dawng lo a ni.