Sakhi kâpa puhte jail-ah dah

Bairabi Forest Range-a thawkte chuan November 29, 2024 khan Bairabi Chhimveng YMA duty-te aṭanga report an dawn bawhzuiin sakhi kapa puh mi pathum an man a, court-a hruai an nih hnuah November 30, Inrinni khan jail-ah dah an ni.

Sakhi kapa puhte hi Tlawng kam, Kheva kaia mau sâta inhlawh nia insawi Prodip Chakma (40), Prodip Poddo Chakma (36) leh Geno Prodip Chakma, Bhaichorra, Assam vek an ni. Mi pathumte hi thiam loh an chang a nih chuan kum 3-7 chhung jail tâng tur leh Rs 25,000 aia tlem lo chawitira hrem theih an ni.

Sakhi ruangah silaia kahna hnuhma a awm a; magistrate phalnain sah sawm a ni a, diesel-a leih a nih hnuah phûm a ni.