PM Vishwakarma Exhibition/Fair khâr

PM Vishwakarma Exhibition cum Trade Fair, Lammuala buatsaih chu November 30, Inrinni khan khâr a ni. Khârna inkhawm hi chief secretary Khilli Ram Meena-a'n khuallian niin a hmanpui a, Commerce & Industries secretary Dr Lalzirmawia Chhangte chu khualzahawm a ni.

PM Vishwakarma Scheme hi September 2023 khan prime minister Narendra Modi chuan a tlangzarh a, kum 2023-24 aṭanga 2027-28 chhung kalpui tura ruahman niin, central scheme (CSS) a ni.

Kut themthiamna kawng hrang hranga thilsiam chhuak, thiamna neite bul ṭanna leh hma an lak zelna tur atana ṭanpuina leh khai chhuahna atana a duan a ni a; Mizoramah he scheme hnuaia loan dil mi eng emaw zat awm tawhin, mi pali hnenah pek a nih tawh thu sorkar thuchhuahin a tarlang.

Exhibition cum Trade Fair hi November 28, 2024 khan ṭan a ni a, district hrang hrang aṭangin mahni siam chhuah thil pho chhuak mi 41 an awm a ni.