MADS Annual Art Exhibition ṭan a ni

Mizoram Artists’ Development Society (MADS) chuan nimin khan IPR Lianchhiari Rûnah Mizo lemziak thiamte kutchhuak pho chhuahna, MADS Annual Art Exhibition an buatsaih a, IPR director C Lalnunkima’n a hawng.

Exhibition-ah hian MADS member 51-te kutchhuak lemziak 102 pho chhuah a ni a, December 6, 2024 thleng ni tin dar chawhma dar 10 aṭanga tlai dar 4 thleng mipui thlawh theiha hawn a ni ang.

C Lalnunkima chuan, Mizo lemziak mite kutchhuak pho chhuahna leh tihlarna chu duh angin mipui hnenah a la thleng zau tawk loa a hriat thu a sawi a, "Lemziak mite'n ṭan la u la, department-in kan thei ang angin kan pui ang che u. Lemziah chu mi tlemtêin theihna (talent) an neih a ni a, in talent tihpun kawngah hmasawn zel tum ang che u," a ti.

Art Exhibition pual hian middle school leh high school zirlaite tan lemziak inelna buatsaih a ni a, a ti ṭhate hnenah nimin khan lawmman sem a ni.