Sâwt zawka Bana Kaih scheme-a Progress partner thlan dan tur sawiho

Mizoram State Policy Coordination Committee (MSPCC) chu nimin khan vice chairman KC Lalmalsawmzauva, adviser to CM (Handholding) kaih­hruaiin Planning conference hall-ah an ṭhukhawm a, Bâna Kaih scheme hnuaia progress partner thlan danah sâwt zawka hmalak dan tur sawiho a ni.

KC Lalmalsawmzauva chuan, Mizoram tihhmasawnna tura thiamna leh theihna nei thawhpui tur (progress partner) thlan kawnga nodal officer-te hmalakna leh inpekna chu lawmawm a tih thu a sawi a; ram tan hmasawnna thlen thei tura theihna nei, mi hlawhtling ngei tur thlan chhuah hna phûr tak leh uluk taka thawk turin a chah.

Ṭhutkhawmah hian implementing department aṭangin nodal officer-te an tel a, progress partner thlannaa nodal officer-te pui thei tur assessment sheet duan thar hman dan tur enho a ni.

Progress partners-te dilna mila loan ruahman theih - Commerce & Industries, Animal husbandry & Veterinary Department, Agriculture & Farmers Welfare, Fisheries leh Horticulture department hnuaia scheme hrang hrang awmte zirho a ni a; State Bank of India, Mizoram Rural Bank leh Mizoram Cooperative Apex Bank hnuaia loan scheme hrang hrang thlirhoin, Credit Guarantee Fund Trust for Micro & Small Enterprises leh Mizoram Credit Guarantee Scheme chungchang zirho a ni bawk.