Kawng sira lirthei dah enfiah ṭan

Aizawl Municipal Council leh Aizawl City Traffic-te chuan Thawhṭanni zan khan Aizawl khawpui chhunga kawngpui sira dan phal loha lirthei dahte an enfiah ṭan a, lirthei 71 an man nghal.

Thu dawn danin, lirthei mante chu Traffic Control office-ah nimina inhriattir tura tih an ni a, Rs. 100 chawitir an nih bakah, kawngpui sira lirthei dah tawh lo tura thu pek an ni.

Traffic police hotute sawi danin, dan bawhchhiaa kawngpui sira lirthei dah nawn an awm chuan Rs. 300 chawitir an ni ang a; chumi hnua la bawhchhe lehte chu an lirthei hnuh sawn a ni ang a, hnuhna senso zawng zawng leh an chawi tur dangte lirthei neitute'n an chawi dawn a ni.

Tarlan tawh angin, MZ-01 F-7188 leh a hnu lama lirthei register-te chuan garage neia an inchhâl vek avangin F-7188 hnu lama lirthei, kawngpuia inhûngte lakah thuneitute thîkthu a chhe zual dawn a ni.