MADC-in parking fee khawn dawn

Mara Autonomous District Council (MADC) executive member (Road Transport) K Chhuabei kaihhruaiin nimin khan MADC CEM conference hall-ah MADC Road Transport department hotute leh Saihaa Mizoram sorkar department ṭhen-khat hotute an ṭhukhawm a; Saiha khawpuia motor parking fee chu MADC Road Transport department khawn tawh turin an ti.

Meeting-ah hian tun hnaia Mizoram Gazette-a chhuah, The Mara Autonomous District Council (Control of Vehicles Parking and Collection of Parking Fees) Regulation, 2014 hman dan tur leh Saihaa motor hrang hrangte dinna hmun turte an thlirho a; dan thar hmangin Saiha khawpuia motor parking fee chu MADC Road Transport khawn tawh turin an ti a ni.