Serchhipah first aid hman dan zirtir a ni
Nimin khan Serchhip DC conference hall-ah National School Safety Programme (NSSP) kaltlanga Serchhip district-a zirna in 150 thlan chhuahte tan 'Basic First-Aid Training' neih a ni a, first aid hmanruate sem nghal a ni. He hun hi Serchhip DC Juhi Mukherjee-i'n a hmanpui.
Serchhip DC chuan, first aid hman dan an zirte chu a ṭul huna hmang thei ngei tura thiam tum tur leh sikul leh khawtlang tan malsawmnaa chantir tum turin a chah a, "Zirtirtute'n zirlaite uluk taka an kaihhruai phawt chuan chhawr tlak tak tak an ni thei ngei ang," a ti.
National School Safety Programme hi kum 2012-ah kalpui ṭan niin, pilot project atan Mizoramah chuan Serchhip district leh Aizawl district thlan a ni a; a tirah June 2014 thleng tura ruahman ni mah se, kum khat dang pawhsei a nih avangin kumin June thla hian a tawp ang.
NSSP hnuaia sikul thlan chhuahte hnenah chhiatrupna laka inven leh hmachhawn dan chi hrang hrang zirtirna pek ṭhin a nih bakah, School Disaster Management Plan siamtir vek an ni a, a ṭul angin first aid hmanruate an sem ṭhin a ni.