Gas & oil phurh loh tum lo

Mizorama hnam dang Covid-19 veite enkawl dana lungawi loh vangin Assam lam aṭanga tuialhthei leh eirawngbawlna gas phurtute'n Mizoramah vawiin, Inrinni aṭangin tlân loh an tum anga thuthang awm chu a dik lo nia thu dawn a ni.

Kolasib DC Dr H Lalthlangliana chuan Vanglaini palai zawhna chhángin, Assam lama LPG leh tuialhthei phurtu páwlte'n Mizorama tlân loh tumna an nei loh thu leh, nimin tlaiah pawh an inbia a, thil danglam a awm lo a, Mizoram mipui tan chiâina tur a awm loh thu a sawi.