AMC hmeichhe ward tur pawt dawn

Kumin tawp lama Aizawl Municipal Coun­cil (AMC) inthlan tura hmeichhe bial (ward) turte chu June 10, 2015 khian pawh a ni dawn. AMC-ah hian women reservation 33% hman a nih avangin ward 19 zinga paruk chu hmeichhe tana hauh a ni.

State Election Commi­ssion ruahman dan chuan, AMC inthlanah hmeichhe ward turte chu ward-ah a inchhawka dah tur a nih avangin tuna hmeichhe ward ni mekte chu inthlan leh hunah general ward a ni tawh dawn a; tuna general ward 13 aṭangin hmeichhe ward thar tur paruk pawh a ni ang.

AMC inthlan huna hmei­chhe ward turte chu June 10-ah state election commissioner L Tochhong hoin a pisaah pawh tur a ni.

AMC-ah hian tuna hmeichhe ward ni mekte chu - Ward no. II, IV, VI, XI, XII leh XVII te an ni.