Minister hoin khehpuam sawiho

Law & Judicial minister Lalsawta hoin a pisaah June 2, 2015 khan sorkar official-te leh dan lam thiamte an ṭhukhawm a; Pseudoephedrine (khehpuam) tawlhrûk laka dan leh hrai kenkawh chungchang an sawiho.

Meeting-ah hian High Court leh Aizawl District Court-a public rosecutor (sorkar ukil) te, Excise & Narcotic, Health & Family Welfare (Food & Drugs), Forensic Science Laboratory leh Law & Judicial department-a officer-te an tel.

Meeting-ah hian khehpuam tawlhrûknaa inhnamhnawihte dan anga thiam loh chantir a, an phû tâwka hrem an nih ngei theih nana hmalak leh ṭan lak dan tur an an sawiho a; khehpuam chu ram leh hnam hmelma lian tak a nih avangin theihtawp chhuaha ṭan lak zel an tum thu leh, chutiang tur chuan enforcement, investigation leh prosecutor-te thukhat vuaa an thawhho a ṭul thu an tarlang.