Larsap leh CYMA hruaitute inkâwm

Governor Lt.Gen. Nirbhay Sharma leh Central YMA hruaitute chu nimin khan Raj Bhavan-ah an inkâwm a, thil pawimawh hrang hrang an sawiho.

Lt.Gen. Nirbhay Sharma chuan, YMA-in Mizo khawtlang tana hna a thawh ṭhin chu Mizoram a thlen hma pawha a hriat tawh thu sawiin, "YMA-te'n mipui, sorkar leh inthlannaah a ṭha zawngin mi rilru in hruai ṭhin hi a lawm­awm hle a ni," a ti a; YMA-te chu an thil tihnaah amah leh a chhungte'n theih­tawpa thlawp an tum thu leh thawhhona ṭha tak an neih a duh thu a sawi.

Central YMA hruaitute chuan Larsap hi YMA kalphung leh ṭhalaite tana training hrang hrang an lo buatsaih tawh ṭhinte an hrilh a ni.