NITI Aayog mite'n bawhhlawh paihna enfiah

Mizorama Swachh Bharat kalpui dan enfiah tura rawn kal, National Institution for Transforming India (NITI) Aayog adviser BK Pandey leh official dangte chuan nimin khan Tui­riala bawlhhlawh paihna hmun an enfiah.

NITI Aayog palai rawn kalte hi BK Pandey bakah, West Bengal sor­kara P&RD commissioner Dibyendru Sarkar leh Sikkim sorkara RM&D additional secretary Anil Raj Rai te an ni a; nimina Tui­riala bawlhhlawh paihna hmun an enfiah hnuah nimin vek khan Mizoram an chhuahsan a ni.

NITI Aayog palaite hian June 2, 2015 khan UD&PA leh PHE department official-te kaihhruaiin ITI Veng, Aizawl Municipal Council office, Baktawng leh Seling khuate an tlawh a ni.

June 2 vek khan PHE leh UD&PA minister Zo­dintluanga chu a pisaah an kâwm a; Aizawl khawpui chêp tak kara fai taka an vawng thei chu lawmawm an tih thu an sawi rualin, bawlhhlawh hman nawn (recycle) theih chi leh leiṭhaa hman theih tur thliar hran a ni lo chu pawi an tih thu an sawi. Zodin­tluanga chuan, Solid Waste Management atan project duan a ni a, sorkar laipuiah DPR thehluh a nih tawh thu a lo hrilh.