CM hoin Scouts & Guides-in meeting nei Chief commissioner tharah Zothanmawia

Mizoram State Bharat Scouts & Guides chuan nimin Chief Minister Bangla banquet hall-ah an president, chief minister Lal Thanhawla hoin State Council Meeting an nei.

Lal Thanhawla chuan, MBS&G chu khaw­tlang nun siamṭhatna kawngahte leh ṭhalaite'n mahni inthununna an neih theihna tura hma latu pawimawh tak a nih thu a sawi a, "Sorkar nen pawha thawhhona ṭha tak kan nei hi thil lawmawm tak a ni. Kan thlen chin aṭang zelin hmasawn tur kan ni," a ti.

Meeting-ah hian kum 2014-15 chhunga an hmalakna hrang hrangte tarlan a ni a, kum 2015-16 chhunga tih tur hrang hrang an duangte sawiho a ni.

State chief commissioner Lalzirmawia Chhangte-in Sports & Youth Services director a nih tawh loh vanga bânna a theh­lut avangin meeting chuan a aiawh turin SYS director ni lai Zothanmawia'n an thlang a ni.