Serchhip Covid-19 dinhmun thlir

Serchhip District Task Force on Covid-19 chu September 10, Ningani khan an chairman Kumar Abhishek, bawrhsap hoin DC conference hall-ah an ṭhu a, Covid-19 chungchanga Serchhip district dinhmun an thlirho.

Kumar Abhishek chuan, Aizawl lamah hripui vei hmuh chhuah an tam tâk avangin chhui zuina kal zelin Serchhip district pawh a nghawng thei tih sawiin, "Tun dinhmunah mipui tan chî-âina tur thil a awm lo," a ti a; Covid-19 laka him nan hmai tuam ṭhat leh kut sil uar te, páwna chhuah tlêmte chu nasa zawka uar turin mipui a chah.

Ṭhutkhawmah hian quarantine facility hrang hrang te, Covid Care Centre leh Dedicated Covid Health Centre dinhmunte leh quarantine facility-te an khah huna khaw danga hmun remchang hman dan turte an rél a ni.