MLA hoin YMA-in kawng an endik

Pradhan Mantri Gram Sadak Yojana (PMGSY) kaltlanga km 28-a thui Luangmual-Vaisam kawng siam hna thawh mek chu November 3, Thawhlehni khan Lunglei South bialtu MLA Lalramliana Papuia hoin YMA Sub-Headquarters, Lunglei Vigilance & Monitoring Committee-te'n an enfiah.

Luangmual-Vaisam kawng siam mekah hian water bound macadam (WBM) phah zawh a ni tawh a, km. 4 blacktop tawh niin, blacktop hmabak km. 24 vel a la awm. Endiktute hi PWD hotu te, contractor leh Vaisam Group YMA hruaitute'n an ṭawiawm.

PMGSY-II hi tawp tawh tura tih a nih laiin, sorkar hmalaknain March 2025 thleng pawhsei a ni. Hun pawhsei a ni chu an lawm thu leh hun tiam chhunga zawh hman ngei an inbeisei thu hna thawktu VRS Construction hotute chuan an sawi.