Covid-19 vei hmuh thar 20 zingah LC inthlana duty pakhat a tel
ITI Venga Covid-19 vei hmuh thar mi pahnihte chu taxi driver ve ve niin, rinhlelh vang ni lo, random test hmanga endik an ni a, an kai ṭanna tur àwm an hre lo. Ramhlun North-a hripui vei hmuh thar mipa pakhat chu ZMC-a thawk, driver a ni a; Chaltlanga mipa pakhat pawh Health Services-a thawk, a thawhpuite aṭanga kái nia hriat a ni bawk.
Covid-19 vei hmuh chhuah thar zinga nausen thla 6-a upa, Bawngkawna mi tih chu an venga mi a nih loh thu leh Zemabawka mi a nih thu, Bawngkawn LTF hruaitute'n an sawi a; Zemabawk LTF hruaitute chuan, nimina result chhuakah an veng mi positive an awm loh thu leh, hripui vei nausen an neih chu tun kar Thawhṭanni (September 7)-a result an hriat tawh a nih thu an sawi thung.
Hetih lai hian, Falkawna khawsa mek mi panga, Mizo pahnih leh hnam dang pathum chu an kai chhan hriat theih a la nih loh thu, sorkar thuchhuah chuan a tarlang.
Hmuh thar local positive contact-te
No. Veng A zat Dinhmun / kai chhan
1. Bawngkawn/Zemabawk 1 (F) Nausen thla 6 mi, Beraw CCC-a awm mek. Bawngkawn lamin an veng ni loin, Zemabawk niin an sawi, Zemabawk lamin an hre lo.
2. Melthum 1 (F) Nausen thla 10 mi, a nu nen Kulikawna an kalna aṭanga kai a nih rin a ni.
3. Ramhlun North 1 (M) SRH-ZMC-a thawk driver.
4. Nursery Veng 1 (M) LC election official, ama pawisa chawia test.
5. Zotlang 2 (M&F) Kai chhan hriat loh ve ve, random test. Mipa zawk LC-a candidate, hmeichhia zawk health worker.
6. Chawnpui 1 (M) Dongdong Catering kaihhnawih kal zel.
7. ITI Veng 2 (M) Taxi driver ve ve, random test, kai chhan hriat loh.
8. Chaltlang 1 (M) Health Services-a thawk, a thawhpuite aṭanga kai nia hriat.
9. Darlawn 2 (F) A hmaa positive tawh an fate ve ve aṭanga kai nia hriat.
10. Falkawn 5 Mizo pahnih leh hnam dang pathum (mipa 4, hmeichhia 1), kai chhan hriat chian loh.