Ip tihzângkhai dan tur sawiho

Lunglei district bawrhsap Navneet Mann kaihhruaiin nimin khan Lunglei district-a sikul naupang ip (bag) rit lutuk tih zângkhaina tura hmalak zel dan tur an sawiho a ni. Endiktu (inspection team) siam belhin, endikna tur checklist thar nen kum thar lamah sikul endik chhunzawm an rêl.

Ṭhutkhawmah hian, Lunglei district-a sikul tin dinhmun hriat a nih theih nan report format siamin sikul tin chhântir ni se, an ti a; sikul hotu (headmaster/principal)-te koh khawm a, hmalak dan tur inhrilhfiahna leh sawihona neih an rel bawk.

Meeting-ah hian DC pisaa officer te, School Education leh Women & Child Deve­lop­ment official-te leh IPRO-te an tel a ni.