Mualkawiah heroin leh meth man

Excise & Narcotics department, Assam Rifles leh YMA Sub-Headquarters Champhai hnuaia Kumpuan Committee-te thawkho chuan Thawhlehni zan zanlai vel khan Mualkawi huam chhung, Zokhawthar kawngah heroin (no. 4) gram 244.500 (hawng 21) leh methamphetamine kg. 2.288 an man.

Ruihhlo man rual hian a neitua puh mi pathum - Lalhruaitluanga (56), Champhai Electric Veng, Lalromawia (44) Champhai Zion Veng leh Lalruatmawia (42), Vaphai khua nia inchhâlte an man bawk a; NDPS Act, 1985 tlawhchhanin ziah luh a ni a, District & Sessions Judge thu angin Champhai District Jail-ah dah luh an ni.