COVID-19: Mizoram dinhmun Hripui vei 22 hmuh belh a ni

December 1, Thawh­lehni khan Mizoramah Covid-19 vei mi 22 hmuh chhuah a ni a, an zingah Mizoram chhunga kái mi 11 leh Covid-19 symp­tom nei mi pakhat an awm. Nimin khan mi 12 chhuahtir an ni thung.

Covid-19 vei Mizo­rama hmuh thar mi 22-te chu mipa 18 leh hmeichhia pali an ni a; ZMC laboratory-a hmuh mi 12, TrueNAT-PCR hmanga hmuh mi panga leh, Rapid Antigen Test (RAT) hmanga hmuh mi panga an ni.

Nimin khan hripui laka fihlim tawh mi 12 chhuahtir an ni a; SRH-ZMC aṭangin mi panga, ITI CCC aṭangin pali, Siaha CCC aṭangin pahnih leh Kolasib CCC aṭangin mi pakhat an chhuak.

Mizoramah Covid-19 positive mi 3,869 hmuh chhuah a ni tawh a, mipa 2,852 leh hmeichhia 1,017 an ni. Nimin tlai dar 5 thleng khan mi 3,584 (92.63%) chhuahtir an ni tawh a, mi paruk (0.16%) thi tawhin, enkawl mek mi 279 (7.21%) an awm.

Mizorama Covid-19 positive hmuh chhuah tawh mi 3,869 zinga mi 1,814 chu Mizoram chhunga kái an ni a, mi 2,055 chu state páwn aṭanga rawn lût an ni.

November 30, Thawhṭanni khan Mizoramah swab sample 1,081 endik a ni a, ZMC-ah mi 362, TrueNAT-PCR hmangin district pariatah mi 165 leh RAT hmangin district 10-ah mi 554 endik a ni. Mi 1,081 zingah Covid-19 positive mi 22 an awm.

Covid-19 positive hmuh thar mi 22-te chu Mizoram chhunga kái leh state páwn aṭanga haw mi 11 ve ve an ni a; natna (Covid-19 symptom) lang chhuak mi pathum an awm. Tualchhunga kái mi 11 zingah hri kài ṭanna hriat loh mi pakhat a awm bawk.

Sorkar thuchhuah tarlan danin, ZMC laboratory-a RT-PCR hmanga hripui vei hmuh chhuahte chu mipa 10 leh hmeichhia pahnih an ni a, a naupang ber kum 14 leh upa ber kum 64 an ni. An zinga pasarih chu tualchhunga kái an ni a, mi panga chu state páwn aṭanga rawn lut an ni.

TrueNAT-PCR hmanga hmuh chhuah pangate chu mipa vek an ni a, kum 22-47 inkar, state páwn aṭanga rawn lût vek niin, Mizo pahnih leh hnam dang pakhat an ni. RAT hmanga hmuh chhuahte chu mipa pathum leh hmeichhia pahnih, kum 19-40 inkar an ni a; mi pali chu tualchhunga kái an nih laiin, pakhat chu state pawn aṭanga haw a ni.