Paragliding Accuracy Championship & Air Sport Festival atan inbuatsaih mek

Nimin khan Serchhip DC meeting hall-ah December 9-14, 2024 chhunga Serchhipa International Paragliding Accuracy Championship & Air Sport Festival buatsaih tur chungchanga hmalaknate thlirho a ni a; Festival-a tel turin ram 14 aṭangin pilot 79 an inziak lut tawh tih tarlan a ni.

Ṭhutkhawm hi Serchhip bawrhsap Paul L Khuma'n a kaihruai a, Tourism director R Lalrodingi pawh a tel. Bawrhsap chuan, Serchhip district-a sorkar hotu te, khawtlang leh tlawmngai pawl hrang hrang hruaitute nen hmalak dan tur an lo rel tawhte leh an hmalak mek dante a tarlang.

Tourism Director pawhin Serchhip district chu model district an nih thu leh DC hoa an hmalaknate Tourism-in an rin tâwk thu a dawn avangin Tourism department-in an ngaih pawimawh thu a sawi.