Damdawi-in fai lawmman sem

Damdawi-in fai leh ṭha intihsiakna Kayakalp 2019-20 hnuaiah nimin khan Taxation confe­rence hall-ah damdawi-in faia thlante hnenah lawmman sem a ni a, Health minister Dr R Lal­thangliana'n a hmanpui.

Health Minister chuan, fai leh thiang­hlim kawnga inelna hlawhtling tak buatsaih a ni chu lawmawm a tih thu sawiin, "Lawm­man dawngtute leh a dawng ve lote tan fuihna leh chona ni se. Thianghlimnain a ken tel chu hriselna a ni," a ti. 

Lawmman semna inkhawm hi Mizoram NHM mission director Dr Eric Zomawia'n a kaihruai a, Health & Family Welfare Board vice chairman Dr ZR Thiamsanga, MLA leh Health secretary H Lalengmawia pawhin thu an sawi. Kayakalp hi central scheme niin, kum 2015-a kalpui ṭan a ni a; sorkar damdawi-in hrang hrang - district hospital, sub-district hospital/ community health centre, primary health centre leh primary health centre-te tehfung hrang hrang hmanga endik ṭhin a ni.