Buhfai phurhna siam rema thawk ṭha chawimawina Mizoramin a dawng

Mizoram sorkar chuan buhfai phurhna kal­kawng siam rem (route optimisation) leh a kaih­hnawiha thawk ṭha chawimawina, 'Com-men­dation for Successful Implemen-tation of PDS Supply Chain optimisation' chu December 5, Ningani khan a dawng.

Chawimawina hi Ministry of Consumer Affairs, Food and Public Distribution-in Anna Chakra hnuaia Public Distribution System (PDS) Supply Chain tihchangtlunna, him zawk leh man man zawk a buhfai phurh kual (transportation) theihna tur Route Optimization tool a tlangzarhnaah hlan a ni. Mizoram sorkar aiawhin New Delhi-a additional resident commissioner Alexander V Chongthu-in Food and Public Distribution minister Pralhad Joshi hnen aṭangin a dawng a ni.

Food & Public Dis-tribution Minister tarlan danin, Anna Chakra (route optimization tool/software) hi sorkar laipuia Department of Food & Public Distribution leh World Food Programme (WFP) thawhhonaa siam a ni a; India rama state 30-in hmang ṭan tawhin, Mizoram pawhin a hmang tawh.

Anna Chakra hian kum tin India ram puma buhfai phurh man senso chu cheng vbc 250 velin a ti tlahniam tura beisei a ni.