EMRS smart class room thar hawng

Social Welfare & Tribal Affairs minister Lalrinpuii chuan nimin khan Eklavya Model Residential School (EMRS) hrang hrang tana HDFC Bank-in an corporate social responsibility (CSR) fund aṭanga smart classroom an siam chu SAD conference hall-ah a hawng.

Mizoramah EMRS 11 a awm a, chu'ng zinga Ngopa, Chawngte, Tuipang leh Lawngtlaia EMRS-ahte chuan smart classroom dah a ni tawh. Smart classroom pakhatah hian digital TV, ṭhutthleng leh dawhkan pek a ni a, smart classroom pakhat atan hian Rs 6,50,000 zel sèn niin, a vaiin Rs 25,00,000 vel sèn a ni ṭhin.

Social Welfare m,nister Lalrinpuii chuan, zirna chu kal-phung thar thlen theitu lian ber a nih thu a sawi a; HDFC hotute'n zirna ṭha ngai pawimawha an CSR hmanga hma an la chu lawmawm a tih thu a hrilh.

Smart classroom hawnna hi SWTA secretary Lalzarmawii'n a kaihruai a; SWTA director Dr Lalhriatzuali Ralte, HDFC Northeast Region zonal head Kaushik Sharma leh HDFC cluster head John Varte ten thu an sawi bawk.