Sawhthing chungchangah mit kan chhit kar a ngai dawn - Lal Thanzara

MPCC president Lal Thanzara chuan nimin khan Congress Bhavan-a political session-ah, sawhthing chungchangah mit an chhit kar a ngaih dawn thu a sawi a, "ZPM sorkar hi an pawnfên kan hlìm sansak lutuk chuan kut hnathawktute hi kan tibeidawng lutuk ang tih a hlauhawm," a ti.

Lal Thanzara chuan, ZPM kaihhruai sorkar chungchang sawiin, "He enchhin sorkar, kan ti ang an tih ti lo a, kan ti lo ang an tih ti leh ṭhin site chanchin hi sawi a ngai leh ṭhin a, an chanchin sawi ngai leh ṭhin hi a inthlahrunawm khawp mai, amaherawhchu, thu sawi tur min supply-tu ber an ni lawi si," a ti a; ZPM sorkar chanchin an sawi nasat lutuk chuan kut hnathawktute an tihbeidawn a hlauhawm niin a sawi.

Sawhthing chungchangah Congress party-in mit an chhit kar a ngaih dawn thu sawiin Thanzara chuan, "ZPM sorkar hi Congress party-in kan duhsakna chu, an intiam ang hian kut hnathawktute thlai thar lei ngei se la, sawhthing pawh lei ngei se, chumi hma chuan an sorkar hi tla mai lo se, tih hi a ni," a ti.

Congress President chuan, mi thiam leh chhuanawm tak takin Congress party an bêl chho mek niin a sawi bawk.