Mizoramah sangha khawitu 19,809 an awm

Fisheries minister Lalthansanga hoin nimin khan Fisheries directorate committee room-ah Fisheries department mid-term review neih a ni. Mizoramah sangha khawitu mi 19,809 leh sanga dil hectare 5,888.08 vela zau Fisheries department-in a chhinchhiah mek thu tarlan a ni.

Lalthansanga chuan, Fisheries department chu Mizoram intodelhna kawnga dinhmun pawimawh tak luahtu a nih thu a sawi a, "Sorkarin Bána Kaih scheme a kalpui mekah mipui tam tak tlûk luhna department kan ni a, sorkarin a phúte chauh department kaltlanga a dâwm kân theih nan kan ṭanrual a pawimawh," a ti.

Sorkar laipuiin Mizoram dinhmun leh hmarchhak state-te chin an hre hle tih sawiin Minister chuan, department hotute chu tih tak zetna nen hna thawk chhunzawm zel turin a chah a; mid-term review chu inenfiah nan leh hmasawn nan hmang ṭangkai ngei turin a chah bawk.

Review meeting hi Fisheries secretary H Lalengmawia'n a kaihruai a, director Laltleipuii'n department chanchin tlangpui leh hnathawh dan te, hmalakna kal mek leh hmachhawpte a tarlang.