Sainik-in lawmthu an sawi

Directorate of Sainik Welfare & Resettlement (SWR) chuan thuchhuah siamin, kumina Armed Forces Flag Day puala vehbûr an khawnah thawhlawm petu leh an thil zawrh leisaktute chungah an lawm thu an tarlang.

SWR chuan, Armed Forces Flag Day 2024 pualin nimin khan Mizorama sorkar pisa hrang hrangah vehbûr an khawn bakah lapel pin zawrh a nih thu tarlangin, "Sum eng emaw zat hmuh a ni. Tlawmngaia thawhlawm petu leh lapel pin min leisaktu zawng zawng chungah thinlung takin lawmthu kan sawi a ni," an ti.

Armed Forces Flag Day hi India ramah kum 1949 aṭangin December 7-ah hman ṭhin a ni.