Mizoram UPC General Assemby a ṭiak

Mizoram UPC inkhawmpui lian ber General Assembly vawi 30-na, Mizoram UPC Assembly Centre, Zonuama neih chu nizan khan a ṭiak a; kum 2025 budget atan Rs 39,10,20,144 an pawm.

General Assembly-ah hian December 7, Inrinni zan khan rawngbawltu mi 18 hnenah ministerial licence hlan a ni a; nimin Pathianni chawhma inkhawmah general superintendent Rev. P Lalrinawma'n pastor pahnih a nemnghet a, pastor pakhat lak thar a ni.

December 6-7 chhung khan General Assembly rorel inkhawm neih a ni a; kum 2025 budget atan Rs 39,10,20,144 an pawm. Pastor quarters building la neih lohna hmuna quarters nei vek tura hmalak te, kum 2025 aṭanga hman turin beihrual thlaah chawlhkar hnih chhung atan zirbu buatsaih a, a kar dang zawngah home crusade neihte an rel.

Zemabawk bial chu kum 2025-ah ṭhen a ni dawn a, kum 2026-ah Bilkhawthlir bial aṭangin Saipum bial siam an rêl bawk.