IAS Academy lakah FIR thehlut

Mizo Students' Union (MSU) chuan an president PC Lalrinhlua hmingin nimin khan Vaivakawn Police Station-ah FIR an thehlut a; Vaji Rao IAS Academy, Vaivakawna mi chu an insawi ang ni lo leh phalna nei loa din nia an hriat avangin chhui chiang turin police an ngen.

FIR-ah chuan Vaji Rao IAS Academy, Vaivakawn chuan registration a la nei lo a, Ministry of Corporate Affairs-ah trademark registration a dil mek nia an hriat thu te; Delhi-a hmunpui nei anga adverstisement-a an inpuan laiin, Delhi-ah Vajirao IAS Academy a awm loa an hriat thu te; Vajirao IAS Academy proprietor Dilip Kumar thiamna (quaification) leh service experience chhui chian an duh thu te; faculty member-te nihna chhui chian an phût thute an tarlang.

MSU chuan, Mizoram ngeia coaching academy ṭha leh rintlak neih an duh reng laiin, ei zawnna atan chauha Mizote hman tumte chu an lawm loh thu an sawi a ni.