Kolasibah sikserh do dan tur inzirtir

State Vector Borne Disea­ses Control Society chuan nimin khan Kolasib-ah medical officer-te pualin sikserh do kawnga hmalak dan tur zirna an buatsaih a; Health directorate aṭangin joint director (Malaria) Dr C Zarzoliana'n a hmanpui.

Sikserh do hna tihchak lehzualna turin Mizoram puma medical officer-te tan training buatsaih tur a ni a, a bul ṭanna atan Kolasib district hman a ni. Sikserh do kawnga ṭan lakna tur pawimawhte an inhrilhfiah bakah an sawiho a ni.