Larsap Lt Gen Nirbhay leh MKHC hruaitute inkâwm

Governor Lt. Gen. Nirbhay Sharma leh Mizoram Kohhran Hruaitute Committee (MKHC) hruaitute chu nimin khan Raj Bhavan-ah an inkâwm.

Lt.Gen. Nirbhay Sharma chuan, Mizoramin remna leh muanna a neih theihna chu kohhran, mipui leh ram hruaitute ṭanhona leh thawhrah a nih thu a lo hrilh a, “Remna leh muanna kawnga state dangte entawntlaka Mizoram a awm hi a lawmawm hle a ni,” a ti.

Larsap chuan MKHC-te chu amah thuràwn pe ṭhin tur leh mipuite a ṭha zawnga an rilru hruai chhunzawm zel turin a chah a; Mizorama khawtlang nun siamṭhat nan theihtawp chhuah zel turin a ngen bawk.

MKHC hruaitute chuan, Mizorama remna leh muanna a thlen theih nana theihtawp an chhuah thu an sawi a; Peace Accord ziahnaah pawh kohhrante’n dinhmun pawimawh tak an neih thu Governor an hrilh.