Aizawlah hockey khelmual siam tum

Sports minister Zodin­tluanga chuan, Aizawlah hockey khelmual siam turin hmalak mek a nih thu leh a hlawhtlin ngei an beisei thu a sawi.

5th Sub-Junior National Hockey Championship, Ranchi, Jharkhand-a May 17-26, 2015 chhunga neia champion Mizoram team-te lawmna, Thenzawl Hockey Academy-a neih a hmanpuinaah thu sawiin Zodintluanga chuan, khawpuiah hockey khelmual ṭha a la awm loh avangin hmasawnna a kal chak thei rih lo niin a sawi a, “Ṭhalaite talent hâi chhuak turin sorkarin theihtawp a chhuah a, infiamna chi hrang hrangah hlawhtlinna a hmu mek a ni,” a ti.

Sports Minister chuan, Mizo ṭhalaite theihna leh thiamna hâi chhuah kawngah hma thar lak a nih thu sawiin, “Discipline hrang hrangah Education department-te nen ṭanghoin school level sport kan nei dawn a, talent nei ṭha tak takte zawn chhuah nan hun remchang tak a ni ang,” a ti.

Hockey champion lawmnaah hian team member-te chu Sports & Youth Services department-in pawisa leh hockey khelhna hmanrua a pe vek a ni.