Aizawlah parking area 58 a awm dawn

Nimina Aizawl Municipal Council (AMC) meeting room-a AMC Board of Councillors meeting chuan Aizawla parking area awm mekte zinga eng emaw zat an siam danglam a; Aizawl khawpuiah motor chi hrang hrang hûn (park) theihna tur hmun (area) 58 siam a ni.

AMC Board of Councillors meeting hi chairman CT Zakhuma’n a kaihruai a; parking area siam rem rawtnate chu executive councillor (i/c Parking) Rosiamngheta’n a sawifiah hnuah an pawm a ni.

AMC BoC-in a pawm tak dan chuan, Aizawl khawpuiah motor chi hrang hrang hûn theihna hmun 58 a awm dawn a, chu chu AMC, traffic police leh a awmna local council hotute inráwn tlanga siam a ni. Chu'ng hmun 58-te chu ṭhen darh leh niin, motor dah theihna tur hmun tur ṭhahnem tak ruahman a ni.

AMC BoC meeting chuan motor park theihna tur hrang hrangah reserved price a siam a, parking aṭang hian thla tin Rs. 3,76,200 hmuh theih a ni. AMC hian motor parking aṭangin kum 2014-15 chhung khan thla tin Rs. 2,46,500 a hmu ṭhin ang a ni.

Parking area siam thar ang hian AMC chuan kum 2015-16 chhunga parking fee khawn thlanna atan tender chhuah thuai a tum a ni.